PINCHA NA IMAXE PARA ACCEDER AO GENIALLY
Ola mundo! Son Area a
balea a cara visible da sustentabilidade do Manuela Rial Mouzo. Loito contra o
cambio climático provocado pola mala xestión do ser humano.
Utilizo unha
ferramenta manual que non precisa de enerxías contaminantes. A lupa detectora
de boas prácticas ODS.
O meu traballo está
baseado na economía circular. Obteño, produzo, consumo, reutilizo e reciclo as
miñas lupas.
Vivo en lugares onde
hai boa calidade do aire e desprázome nadando, unha maneira moi sustentable de
moverse.
Estou aquí para que
coñezades a historia da vila de Cee asociada os ODS.
Fun deixando pegadas
polo pobo en forma de xoaniña. Cada xoaniña ten a cor característica de cada
ODS. O voso obxectivo é atapalas e xustificar a colocación. Escollín as
xoaniñas porque dise que perciben os cambios de tempo. A canción pídelle a
xoaniña saber se vai sol ou chuvia. Queda constancia do cambio climático grazas
a elas.
O ODS 1 ou FIN DA
POBREZA quixemos relacionalo cos medios de transporte. Imos a remontarnos ao
ano 1920 cando a primeira empresa de autobuses da vila se puxo en marcha.
Falamos polo tanto de principios do S.XX e dun pobo bastante afastado das
grandes cidades situado en plena Costa da Morte. Supuxo unha revolución ademais
de ser unha maneira sustentable de xestionar as viaxes. Moitas persoas tiveron
que emigrar a outros países para poder gañar un xornal. Daquela ninguén tiña
coche particular non sería de extrañar que houbese persoas que se subisen a
estos autobuses para viaxar A Coruña e embarcar cara América. Unha manera
particular de saír da pobreza. Dende a escola quixemos construír coches con
material de desfeita porque os nenos aínda que sen posibles teñen dereito a
xogar. Non ter con que é un indicador de pobreza.
Para o ODS 2 ou FAME
0 imos a falar da mesma época que o anterior mediados do S. XX. No pobo había
varios fornos de pan, un alimento básico. Dotar as comunidades dos recursos
necesarios para cultivar, manufacturar e consumir alimentos elementales é unha
necesidade. Os panadeiros e panadeiras do pobo eran moi solidarios. Dende as
nosas aulas imos a aprender a elaborar pan para ser autosuficientes no eido da
alimentación. Aproveitaremos para facer figuras humanas para concienciar e
concienciarnos.
O ODS 3 tamén ten as
súas referencias no pasado. Na zona do recheo do pobo hai un monumento moi
axeitado para este obxectivo. Está adicado aos médicos rurais que fixeron unha
labor tan complicada como necesaria. Hoxe en día contamos con centro médico e
hospital pero non podemos esquecer aqueles comezos. En homenaxe construiremos
unhas camas emocionais para concienciar no descanso e coidar a saúde para non
caer enfermos.
O ODS 4 tócanos moi
preto: EDUCACIÓN DE CALIDADE. Fernando Blanco de Lema naceu en Cee no ano 1796
emigrou a Cuba e alí fixo unha fortuna que donou ao pobo que o viu nacer. Quixo
que se levantase un instituto onde as nenas e os nenos da vila poidesen
estudar. Neste centro nunca faltou de nada. Homenaxeando a este gran filántropo
distribuiremos no centro bolsas de tea con libros para poñer en valor a
educación e a aprendizaxe responsables.
O ODS 5 ou IGUALDADE
DE XÉNERO tiñamos que enmarcalo no mural CAMIÑANDO POLA IGUALDADE situado na
praza OTERO LASTRES. Unha composición onde as persoas son as protagonistas, no
importa a idade ou o xénero, camiñan xuntas sen importar o destino. Colocamos
pegadas de pés polos andadeiros para concienciar en camiñar pola igualdade.
O ODS 6 trata sobre a
AUGA LIMPA E O SANEAMENTO. Unhas das fontes máis emblemáticas de Cee é a que
está situada no PAZO DE COTÓN. É unha construcción bastante característica cun
cruceiro enriba. A canalización das augas e o saneamento tiveron que ser pezas
chave no desenvolvemento do pobo. Moitos veciños encheron xenllas, botijos e
botellas de auga ao longo da historia. Moitos nenos saciaron a sede despois de
longos xogos polas rúas máis antigas. Recolleremos auga no noso patio en
recipientes reciclados para utilizala no rego das plantas que temos no
interior.
O ods 7 di: ENERXÍA
ASEQUIBLE E NON CONTAMINANTE. A igrexa de Cee está contruída na parroquia de
Santa María da Xunqueira. As orixes do templo actual sitúanse no S. XIV, era de
estilo gótico, de esa época consérvase a capela maior, o resto foi destruido no
S. XIX na guerra da Independencia contra os franceses. A igrexa foi
reconstruída no S. XIX. Por que contamos todo isto? Porque unha esquina desta
igrexa hai un reloxo moi particular. O reloxo é de sol. Servíndonos ese de
exemplo elaboraremos outros para poñer en valor as enerxías limpas.
O ODS 8 TRABALLO
DECENTE E CRECEMENTO ECONÓMICO enfocámolo no RECHEO PEPE SÁNCHEZ. A mediados
dos anos 70 púxose en marcha o proxecto de recheo da ría. Ademais de permitir
gañar terreo ao mar, erradicou os malos olores xa que ían a parar alí todo tipo
de augas. Estableceremos equipos de axuda na biblioteca para sacar o traballo
adiante. Estos voluntarios promocionarán os libros relacionados co
desenvolvemento sustentable e a divulgación da historia do pobo.
O ODS 9 di:
INDUSTRIA, INNOVACIÓN E INFRAESTRUCTURAS. Nesta breve historia de Cee non
podiamos esquecer ao grande arquitecto nado no pobo DOMINGO ANTONIO DE ANDRADE.
Mestre do barroco galego do S. XVII. No ano 1990 levantouse ao carón do
concello un monumento na súa honra. Tomando como referencia a este grande arquitecto
deseñaremos un monumento pola sustentabilidade con materiais de desfeita.
ODS 10: REDUCCIÓN DAS
DESIGUALDADES. Hai un monumento en Cee adicado á muller traballadora. Colocouse
na praza 8 de marzo no ano 2007. Que mellor maneira de traballar sobre a
desigualdade que divulgar mediante vídeos a igualdade de xénero e poñer en
valor o traballo da muller ao longo da historia.
ODS 11: CIDADES E
COMUNIDADES SUSTENTABLES. O Concello de Cee construiuse no ano 1982 e foi un
deseño do arquitecto José Ramón Soraluce Blond. Recentemente no ano 2022
rehabilitouse para convertilo nunha edificación eficiente. Queremos aprender do
exemplo de construcción adaptada ao aforro enerxético por iso imos a facer
debuxos onde indiquemos qué cambios se poden facer nun fogar para adaptalo aos
novos tempos.
ODS 12: PRODUCCIÓN E
CONSUMO RESPONSABLES. Recentemente na zona do pazo de Cotón e a fonte da que xa
falamos pintouse un novo mural. Desta volta representouse distintas facetas da
vida cotiá dalgunhas persoas que se adican a explotación do mar, do campo ou a
elaboración de cestas artesanais. Pareceunos unha excusa perfecta para facer
papel reciclado xuntando a prensa de varias semanas. Buscámoslle saída aos
periódicos e facemos papeis para traballos artísticos.
ODS 13: ACCIÓN POLO
CLIMA. O camiño a Fisterra pasa por Cee. Ademais cando chegan ao alto da Armada
vén por primeira vez dende a saída de Santiago o mar. Fai poucos anos colocouse
un reclamo en forma de peza artística na alameda. Reivindicamos os
desprazamentos a pé grazas ao Camiño de Santiago.
ODS 14: VIDA
SUBMARINA. O monumento_fonte que representa unha COLA DE BALEA. Está situado na
praza do Mercado. Con esta peza preténdese lembrar a importancia que tivo a
caza de cetáceos no desenvolvemento do concello. En Caneliñas houbo unha
factoría baleeira. Pechou en 1985, sendo a última en España en cesar a súa
actividade. Pensábase que o topónimo de Cee podía derivar da palabra cetus, que
significa balea. As últimas investigación concluíron que ven do gaélico Cé que
quere dicir porto. A relación de Cee coas baleas está moi clara. Quedándonos
coa positividade da conservación da especie queremos homenaxear aquelas aulas
do cole máis ecolóxicas agasallándoos con ECOtrofeos en forma de cetáceos.
ODS 15: VIDA DE
ECOSISTEMAS TERRESTRES. Presentamos a praza da escritora Concha Blanco. Estudaremos
a vida deste pequeño ecosistema terrestre para aprender a coidalo. Fixemos
árbores con libros inservibles.
ODS 16: PAZ, XUSTIZA
E INSTITUCIÓNS SÓLIDAS. O monumento adicado OS DEFENSORES DAS LIBERDADES E OS
DEREITOS HUMANOS. Colocouse no recheo no ano 1997. Moldeamos bonecos de papel
de aluminio reciclado recreando o monumento.
ODS 17: ALIANZAS PARA
LOGRAR OS OBXECTIVOS. A praciña do Olvido é quizais o lugar máis característico
do pobo. Pouco se sabe da súa creación. Para nós vai a ser o lugar de encontro
de tódalas xoaniñas que fomos atopando. Fixemos unha cadea de xoaniñas igual
que os ODS relacionanse uns cos outros de maneira circular.
