PROXECTO DOCUMENTAL INTEGRADO_CURSO 2022/23
CEE monumental, QUERIDO WATSON
1.- TÍTULO:
CEE monumental, QUERIDO WATSON
2.- INTRODUCIÓN:
CEE
monumental, QUERIDO WATSON ten como finalidade a realización dunha pescuda
sobre o patrimonio etnográfico, antropolóxico, lingüístico, xeográfico,
histórico e artístico da nosa contorna.
O proxecto
sobre o que queremos investigar neste curso toma como punto de partida os
Obxectivos de Desenvolvemento Sustentable. Os que están directamente
relacionados coa temática a tratar son ODS 5_Igualdade de xénero, ODS
8_Traballo decente e crecemento económico e ODS 11_Cidades e comunidades
sustentables.
O proxecta + ábrenos
unha canle onde a sustentabilidade é a gran protagonista.
O fío
conductor da nosa investigación vai a ser o detective Sherlock Holmes que terá
que ir descubrindo enigmas presentes na historia do noso pobo: CEE.
Deste xeito o
alumnado terá que coñecer a figura creada polo escritor Arthur Conan Doyle para
poder facer de detectives/investigadores do patrimonio ceense.
Pretendemos divulgar
o por que dos monumentos da vila. Coñecer os persoeiros máis relevantes en
distintos ámbitos sempre da man do ODS 5, a igualdade de xénero.
A nosa paisaxe
marítima sufriu distintas transformacións que o noso alumnado non coñece,
grazas ao proxecto conseguiremos revertir o descoñecemento.
A flora e a
fauna da ría de Cee tamén é singular pero… que a distingue? que fai que sexa
única?
Interésannos
tamén os xogos tradicionais. Poñerémonos en contacto coas familias para que nos
conten a que xogaban cando eran nenos, que lugares escollían…
A gastronomía,
a música, a danza, a flora, a fauna… xogarán un papel importante.
O traballo
final pretende ser un conto onde un personaxe inventado polos nenos contará a
historia froito das pescudas.
3.- OBXECTIVOS:
-
Coñecer as 17 ODS e máis concretamente as tres relacionadas co noso proxecto.
-
Valorar a figura do detective Sherlock Holmes e facer de detectives da historia
de Cee.
-
Facer unha listaxe de monumentos de Cee e figuras/persoeiros relevantes.
-
Investigar sobre a transformación paisaxística do pobo.
-
Saber ata onde chegaba o mar facendo entrevistas e buscando fotografías
antigas.
-
Recoñecer a fauna e flora típica da vila.
-
Aprender a valorar o patrimonio da contorna.
-
Ensinar o valor do produto de cercanía.
-
Recopilar os xogos tradicionais típicos.
-
Coidar o patrimonio material e inmaterial.
- Acabar cos prexuízos que temos dalgúns monumentos.
- Utilizar o CAMIÑO DE SANTIAGO A FISTERRA para coñecer a gastronomía galega.
-
Crear un personaxe e unha historia para construír un relato.
-
Divulgar e poñer en valor a nosa historia.
